Cuntroi y straufonghes sce mancia l codesc CIN

L vën comunicà che l afité o nce mé la piteda de afité via imubilies per finaliteies turistiches, tla forma di “fic curc” o de strutures de hotelaria o extra -, zënza CIN (ital. = codice identificativo nazionale), vën straufà dal Chemun cun na straufonga aministrativa danter 800€ y 8.000€.

L vën nce straufeda la mancianza de espusizion dl CIN dedora dala strutura dla imubilia da dé n afit o sce l CIN ne vën nia mustrà su te anunzies o comunicazions, cun na straufonga aministrativa danter 500€ y 5.000€.

L Chemun muessa nce comuniché i resultac di cuntroi ala direzion provinziela dl’Agenzia dla ntredes cumpetënta tl teritore, aldò dla residënza fischela de chi che cumët la trasgrescion. 

10/07/2025