premissa

Ocupazions permanentes y temporeres de luesc y sperses publiches de puscion publica che fej pert dl demane o dl patrimone desponibl dl chemun, l'ocupazion de puscions privates sotmetudes a servitù de pasaj publica, l'ocupazion de sperses sota y sëura tiera cun operes de uni sort, leprò cabli, tubazions y mplanc de destribuzion.

chi ie pa ubligà

Chël che tol it grunt chemunel.

can y co fé la dumanda

Dan n’ocupazion de uni sort iel da prejenté la dumanda sun l formuler aposta.

can paie

L terminn unirà comunicà dal ufize chemunel.

co paie

L paiamënt messerà unì fà pra la Tesoreria chemunela, Cassa Raiffeisen de Sëlva (ABI 08238; CAB 58890; c/c 980/6).

maiurazions

L fit vën auzà dl 50%:

per ativiteies per l fabriché;

per ocupazion temporera ntan la sajons dl turism, tl tëmp dai 01.12. ai 31.03. y dai 01.07. ai 31.08.

esenzions

Nia sotmetudes al fit ie:

ocupazions realisedes da ënc publics nia economics y da lies zënza fin de davani per arjonjer fins istituzionei;

ocupazions de sperses publiches fates dala ONLUS;

ocupazions cun roles per se taché it ai mplanc di servijes publics;

ocupazions cun piguei, verandes y de tei fabricac, coche ënghe draps per l surëdl per curì i piguei;

ocupazions de sperses publiches cun calons dal’ega debujën per l’agricultura.

straufonghes

straufonga aministrativa, sce n ne paia nia l fit, dl 100% dla soma nia paieda;

straufonga aministrativa, sciche nce chëles sëuraprò (art. 20 D.lgs. nr. 285/92), per ocupazions zëza lizënza.

ocupazions zënza lizënza

ocupazions zënza autorisazion/cunzescion;

ocupazions che passa via la spersa autoriseda;

ocupazions che và inant nce dò la scadënza dl’autorisazion/cunzescion.

fic y tarifes

Per la determinazion dl fit ie relevanc la destenscion, la pusizion, l’adurvanza, sciche nce la dureda dl’ocupazion.

La tarifes vën adatedes uni ann, a pie via dal 01.01, tla mesura dl 100% dla mudazion dl indesc ISTAT di priejes al consum per la families de mpieghei y lauranc, cun referimënt al tëmp da dezëmber a dezëmber dl ann dant.

Per i cuntrac che dura plu ani vëniel dat la puscibeltà de fé ora n fit sëul per duta la dureda dl cuntrat. Te chësc cajo, vën l fit smendrì dl 10%.

Somes sota € 11,00 ne vën nia tëutes it y nianca retudes.

referimënc             normatives

Decret legislatif 15 dezëmber 1997, nr. 446

Regulamënc chemunei per l'ocupazion de sperses publiches, sciche nce de grunt dl patrimone (Cunsëi chemunel 15.10.2004, nr. 32 y nr. 33)